कार्यकारणी सदस्य अनंता कनकुटे यांच्या पुढाकारातून पक्ष प्रवेश
परभणी (समाजहित न्यूज वृत्तांत ) दि. ९ सप्टेंबर २०२५ रोजी परभणी तालुक्यातील पिंगळी सर्कल मधील तटू जवळा येथे वंचित बहुजन आघाडीच्या पक्ष बांधणीसाठी महत्त्वपूर्ण पाऊल उचलण्यात आले. वंचित बहुजन आघाडी परभणी जिल्हा अध्यक्ष (उत्तर) तुकाराम भारती यांच्या मार्गदर्शनाखाली आणि परभणी तालुका अध्यक्ष (उत्तर) प्रमोद अशोकराव अंभोरे यांच्या नेतृत्वात आयोजित या कार्यक्रमात कार्यकारणी सदस्य अनंता कनकुटे यांच्या पुढाकारातून तटूजवळा गावातील भीमसैनिकांनी वंचित बहुजन आघाडीत जाहीर प्रवेश करून पक्ष बळकट करण्याचा निर्धार व्यक्त केला. पक्षप्रवेश करण्यापूर्वी तथागत गौतम बुद्ध, भारतीय घटनेचे शिल्पकार परमपूज्य डॉ. बाबासाहेब आंबेडकर यांच्या प्रतिमा नमस्कार अर्पण करून अभिवादन करण्यात आले.
वंचित बहुजन आघाडीचे सर्वेसर्वा श्रद्धेय ॲड. बाळासाहेब आंबेडकर यांच्या नेतृत्वावर विश्वास ठेऊन युनूस कच्ची, अमोल कनकुटे, बाळासाहेब कनकुटे, आकाश कनकुटे, आदित्य कापसे, सचिन कनकुटे, यशवंत कनकुटे, संभाजी कनकुटे, प्रदीप कनकुटे, निकेश कनकुटे, राहुल कनकुटे, प्रवीण कनकुटे या भीमसैनिकांनी जाहीर पक्ष प्रवेश केला. त्यांच्या या निर्णयामुळे तटूजवळा गावात वंचित बहुजन आघाडीचा प्रभाव वाढण्यास मदत होणार आहे. या कार्यक्रमात तालुका अध्यक्ष प्रमोद अशोकराव अंभोरे यांनी सर्व नव्या कार्यकर्त्यांचा पुष्पहार घालून पक्षात समावेश करून घेतला. पक्षप्रवेश सोहळा यशस्वी करण्यासाठी परभणी तालुका उपाध्यक्ष (उत्तर) शेख कलीम, परभणी तालुका कार्यकारणी सदस्य अनंता कनकुटे यांनी विशेष परिश्रम घेतले. या पक्षप्रवेशामुळे वंचित बहुजन आघाडीला तालुका पातळीवर नवीन ऊर्जा मिळाली असून भविष्यात पक्ष संघटन अधिक मजबूत होण्यास मदत होणार आहे. *प्रमोद अशोकराव अंभोरे*, तालुका अध्यक्ष (उत्तर) परभणी, यांच्या कार्यक्षेत्रातील 4 सर्कल —1) टाकळी कुंभकर्ण सर्कल, 2) बोबडे टाकळी सर्कल, 3) झरी सर्कल 4) पिंगळी सर्कल यामध्ये सर्कल प्रमुख व सर्व शाखांचे बांधणी करण्यासंदर्भात दौरे आयोजित कारण्यात केले आहेत. परभणी तालुक्यातील या 4 ही सर्कलमधील संपूर्ण गावातील शाखा बांधणी करण्यासंदर्भात वंचित बहुजन आघाडीत काम करणाऱ्या कार्यकर्त्यांनी अध्यक्ष प्रमोद अशोकराव अंभोरे 8530935821, उपाध्यक्ष शेख कलीम - 8830768992, उपाध्यक्ष भगवान थोरात - 9049493687 या नंबर वर संपर्क साधण्याचे आव्हान प्रमोद अशोकराव अंभोरे यांनी केलेला आहे.
