वडवणी /बिड (समाजहित न्यूज वृत्तांत)तालूक्यातील चिंचवण येथील भगवानबाबा माध्यमिक विद्यालयाच्या दहावीच्या विद्यार्थ्याना निरोप समारंभ नुकताच दिनांक २४ फेब्रुवारी रोजी आयोजित करण्यात आला होता. निरोप समारंभ कार्यक्रमाच्या अध्यक्षस्थानी ज्येष्ठ नागरिक आसाराम बडे तर प्रमुख पाहुणे म्हणून माजी नगरसेवक आत्माराम जमाले पाटील,संपादक अनिल वाघमारे, उपसरपंच मयुर बडे,पत्रकार सुधाकर पोटभरे,पत्रकार सतिष मुजमुले यांची उपस्थिती होती.आलेल्या मान्यवरांच्या हस्ते सावित्रीबाई फुले संत भगवानबाबा संत गाडगेबाबा यांच्या प्रतिमेचे पूजन करुन कार्यक्रमाची सुरुवात करण्यात आली.कार्यक्रमासाठी उपस्थित असलेल्या मान्यवरांचा सत्कार यावेळी शाळेतील शिक्षकांच्या हस्ते करण्यात आला.
यावेळी बोलताना संपादक अनिल वाघमारे म्हणाले की सातारा येथील ज्या जिल्हा परिषद शाळेत डॉ.बाबासाहेब आंबेडकर हे इयत्ता पहीली ते चौथी पर्यंत शिकले त्याच शाळेचा विद्यार्थी भारत देशाच्या भारतीय संविधानाचा शिल्पकार झाला.त्या पवित्र शाळेला मी भेट दिली त्याच बाबासाहेबांचं या ठिकाणी कसं शिक्षण झालं असेल याचा अनुभव या ठिकाणी आलेल्या प्रत्येकांना निश्चितच अविस्मरणीय असणार आहे. आपणही ज्या शाळेत आपला शैक्षणिक कार्यकाळ कसा घालवला त्या आठवणी स्मरणात राहतील यासाठी निश्चित प्रयत्न कराल.जेष्ठ नेते सोमनाथ भाऊ बडे यांनी या भागातील विद्यार्थ्यांना भगवानबाबा माध्यमिक विद्यालयाच्या माध्यमातून शिक्षणासाठी दारं खुली केली.शाळा कोणतीही असो तिथे शिक्षण देणारा शिक्षक चांगला असला पाहीजे तरच विद्यार्थी पुढे जाऊन उच्चशिक्षित होतात. या शाळेतील शिक्षकांच्या अथक परिश्रमाने येथे शिक्षण घेणाऱ्या मुला मुलींना आपल्या जीवनात आपण काहीतरी करून दाखऊ अशाप्रकारची संधी निर्माण झाली आहे.येथील दहावीच्या सर्व विद्यार्थी विद्यार्थिनींनी चांगले गुण घेऊन घेऊन यश संपादन करावे अशा शुभेच्छा दिल्या.प्रा सोमनाथ भाऊ बडे यांच्या बद्दल बोलताना ते म्हणाले की आपल्या संस्थेच्या माध्यमातून उत्कृष्ट विद्यार्थी कसे घडवले जातील यासाठी ते नेहमी सतर्क असतात. विद्यार्थ्यांवर सतत लक्ष देणे, त्यांना सतत मार्गदर्शन करताना आम्ही पाहिले आहे. प्रा.सोमनाथराव बडे म्हणजे घराघरात सर्वपरिचित असणारं नाव असल्याचे ही आपल्या भाषणात संपादक अनिल वाघमारे यांनी सांगितले.
हा कार्यक्रमासाठी भगवानबाबा माध्यमिक विद्यालयाचे अध्यक्ष,सचिव, शिक्षक पालक विद्यार्थी विद्यार्थीनी कर्मचारी मोठ्या संख्येने उपस्थित होते.
संस्थापक संपादक : प्रमोद अशोकराव अंभोरे 8530935821
